رمضان قرب

عارفة يعني إيه رمضان قرب ؟؟

يعني هفتكر اول كلام قلناه لبعض واحنا مش عارفين إن كل دا هيبقي بينا، يعني هفتكر إني كنت بالنسبالك ( أخوكي ) ♥ ومكنتيش بتفكري فيا أبداً كحاجة تاني، ومش زعلان علي فكرة كفاية إنك كنتي جمبي ♥

يعني هفتكر أيام ما كنت ( silent ) معاكي، والأيام اللي تعبتي فيها بسببي، والأيام اللي تعبنا فيها سوا، وإزاي نسيت أنا كل دا ورجعت بمووووت فيكي أكتر مالأول بمراحل ♥

يعني هفتكر إن أنا وانتي دايما ناقر ونقير :P وفنفس الوقت مقدرش استغني عنك ولا أعيش من غيرك دقايق حتي، مع إني بكلمك أتخانق معاكي خناقات بسيطة كدا استهبال ومن غير أي سبب، كفاية إني بسمع صوتك ♥ وابقي عارف اني هموت واقولك بحبك وانتي كمان بس كل واحد كاتمها وبيتخانق ♥

يعني هفتكر إن دي سنتنا الرابعة مع بعض، عمري ما شفت بنوتة فالدنيا غيرك ولا اتخيلت إن واحدة غيرك تبقي بنتي ومراتي وصاحبتي وحبيبتي وأختي وكل حاجة ليا فالدنيا ♥ وعمري ما اتخيلت إن واحدة غيرك تدلع عليا ♥ ولا تقولي بحبك ♥ مش هيبقي ليها قيمة مع حد غيرك ♥

يعني هفتكر اما بصحيكي وارخم عليكي، وتزعلي وتقوليلي بطل بقي وانا برضو برخم عليكي، عشان سايباني ونايمة وواحشاني قوي فبطلعهم عليكي ♥ وكل ما تنامي أكتر هغير من النوم اكتر وهطلع عينك أكتر وأكتر ♥ انتي عارفة طبعا إني نفسي أقولك واحشاني أكيد واصلة من غير ما أقول ♥

يعني هفتكر إني عشت ولسا بعيش أحلي قصة حب فالدنيا ♥ وهكملها لآخرها إن شاء الله، وهفضل طول عمري أما تنامي وتسيبيني أصحيكي وارخم عليكي ♥ عشان متعمليهاش تاني

بحبك

أميرتي ♥

تلك التي تشرق شمسي علي نور ضحكتها كل صباح، وتختفي كل الأنوار عندما تحزن، ضحكتها حياة ♥ نظرتها حياة ♥ وكل حرف تنطقه حياة ♥ لي أن أعيش بين يديها ألف حياة في نفس الوقت، ولها علي أن تظل أميرتي حتي أفقد آخر أنفاسي بين يديها.

تلك هي أميرتي ♥ الأنثي الوحيدة التي تراها عيني كل مرة وكأنها تراها للمرة الأولي،

تلك هي أميرتي ♥ الدلال يسبقها في كل خطوة تمشيها

تلك هي أميرتي ♥ أرق صوت يحيطني بالأطمئنان دوماً

تلك هي أميرتي ♥ يصيبني الجنون إن فكرت للحظات في رجل غيري، لا يمكن أن تكون ( إبنة ) إلا بالنسبة لي ولا يمكن أن تكون ( أختاً ) إلا بالنسبة لي.

تلك هي أميرتي ♥ حبيبتي ♥

أغار عليكي

كل الأحداث وكل الأيام تقودني مباشرة لنار الغيرة عليكي، ليس لدي علمٌ بأسبابها الحقيقية، ربما لأنكِ أجمل من أن أترككِ ليراكي أحد غيري، تبقي الإحتمالات كثيرة، ويبقي الشيء الوحيد الذي أعلمه أنني أرغب أن أحيطكي بيدي دوماً لأمنع الجميع من إمكانية النظر إليكي، وحتي أصدقاؤك،أغار عليكي !

عندما تنبض عينيكي

عارفة كل ما أبص فعنيكي، اللي مش عارفلها لون دي، بحس أني أكتر إنسان محظوظ فالدنيا كلها، مش علشان إنتي أحلي واحدة فالدنيا كلها بس، لكن علشان فعنيكي براءة زي الأطفال بالظبط، يمكن دا السبب الأقوي اللي بيخليني أقولك يا بنتي، مع إنك مش بريييئة خااااالص :P يمكن دا كمان أحد أسباب غيرتي عليكي، مش هقدر أوصفلك هحس بإيه لو حد غيري بص فعنيكي دي، حبايبي،

بيني وبينك

I love you my Kid  ♥

 

 

عمري ما فكرت أكتبلك الكلام ده، مش عارف ليه، ومش عارف بكتبه ليه برضو، يمكن عشان واحشاني دلوقتي أكتر من أي وقت تاني !! أو عشان خايف عليكي ونفسي أطمن عليكي حالاً عشان هموت من القلق عليكي – رغم إني مفروض عارف إن دي مش عملية أصلا يعني – بس برضو قلقان عليكي قوي.

عارفة إني بعشق كل حاجة فيكي، كل حركة بتعمليها، مشيتك، ضحكتك، الكسوف اللي بيبقي فعنيكي لما ببصلك، تصرفاتك وانتي مرتبكة ومش عارفة تعملي إيه بالظبط عشان ميبانش عليكي الكسوف، حتي كلمة آخر مرة آخر مرة بتاعتك بحبها، ومش عارف لي دايما أما تقوليلي كنت مع اصحابي والله ما بفتكر إني شفت حد معاكي أصلا، مش عارف بقي لي الحكاية دي 

عارفة لما بتخانق معاكي، وأقولك لو عملتي حاجة تانية كدا هيبقي خلاص، قلبي علي طول بيقولي ( أتنيل مانت عارف إنك مش هتقدر :D) اه هو قليل الأدب برضو وبيقول اتنيل، وانا عارف ومتأكد كمان اني مش هقدر استغني عنك، بس متعتمديش قوي عالحكاية دي عشان انتي عارفة بقدر ادوس علي نفسي إزاي  

:D

عارفة أما زعلتيني قوي المرة دي وانتي عارفة طبعا عملتي إيه مش محتاج أقولك L وحصلي اللي حصل، وقولتلك إني مش مسامحك وانا عارف ومتأكد إني هسامحك، مش بمزاجي دا غصب عني، بس بجد كنت زعلان ومكدبش عليكي لسا زعلان، بس مش مشكلة فداكي أي حاجة ( حتي لو كانت حياتي (  

:)

عارفة كمان إني شكلي هقتل صاحباتك دول واحدة واحدة عشان بياخدوكي مني، مش حايشني عنهم غيرك عشان متزعليش، بس من غير حلفان لو شفت واحدة فيهم بعد كدا انتي عارفة هيجرالهم إيه :D خصوصاً واحدة انتي عارفاها كويس مش عايز حتي اسمع اسمهاا :@ أحسنلك :@

أحياناً بتخليني عايز بالظبط بالظبط كدا اجي لحد عندك واكسرلك دماغك دي وانتي عارفة :@ وفنفس الوقت عايز اقولك وحشتيني قوي وأعمل حاجة كدا ^_* بس الصراحة الصراحة اكسر دماغك بتبقي أكتر، عارف إنه غصب عنك وعارف إنك بتعملي الحاجات دي من غير قصد، وعارف إن معظم الحاجات دي بتبقي بسبب زن ناس تاني، أولا الناس دي دورها جاي إن شاء الله، وانتي انا قولتلك هعمل فيكي إيه.

عارفة إني بتعلم الطبخ من فترة كدا ومش بيطلع كويس قوي يعني، مع إن أمي علي طول بتسألني إي العلاقة بين الطب والطبخ مبرضاش أرد عليها، وأنا قولتلك قبل كدا إن كل دي حاجات تتعلميها فشهر بالكتير لكن عمر ما في حد إتعلم إنه يبقي قلبه كبير فعمره كله، وبرضو هأكلك أنا زي ما اتفقنا ;)

تعرفي إن أكتر حاجة بتدايقني وأنا خارج أني أسرح شعري :D بس أكيد شعر العبد لله مش زي .... :D خليها علينا متقلقيش بس شوفيلي حد كويس يديني hairdressing course عشان متبقاش نهايته علي إيدي :D

يمكن مقولتلكيش قبل كدا بس من زمان وأنا بكره المكرونة وأمي عارفة كدا كويس، واليومين دول شغال أكل مكرونة عمال علي بطال مش عارف ليه، يمكن عشان عارف إنك بتحبيها :-? ولا عشان حضرتك مش ناوية تأكلينا غير مكرونة :D مش عارف كدا كدا مش هبقي فاضي للحاجات دي :P

تعرفي إن لما بيكون عندنا إجتماع وفيه بنات مش برضي أروح وبيتخانقوا معايا عشان مش بحضر الإجتماعات :D مش بطيق أقعد فمكان فيه بنات غيرك J

إنتي عارفة إني عمري ما اتخليت عن هدف فحياتي قبل كدا، وعارفة إني عمري ما خسرت حاجة كنت عاوزها فحياتي قبل كدا أبداً، ومهما قالولي ( مستحيل ) برضو بعملها الحمد لله، خليكي عارفة إنك أكتر حاجة اتمنيتها طول حياتي كلها، وأني عمري ما شفت حد غيرك ولا بصيت – حتي ولو نظرة واحدة – لحد غيرك، عشان مفيش واحدة غيرك تنفع تكون بنت أصلاً، ومفيش واحدة غيرك تنفع تكون أم لأولادي، وزي ما قولتلك هربي العيال وأمهم برضو متشيليش هم :D

بحبك يا أغلي حاجة فحياتي كلها

بحبك قوي